Skip to main content

Gjashtë faqe ku mund të lexoni libra në internet



Në #njetuferrezeshneperre flasim cdo javë për librat, të mirat që leximi sjell në jetët tona dhe sugjerime mbi letersinë që vërtetë vlen të lexohet. Këtë javë mendova të prezantojmë së bashku një tjetër  temë interesante e cila lidhet me të lexuarin dhe mendoj se do t'i vijë në ndihmë cdo liber-dashësi.
Përditshmëria jonë është e vrullshme, e ngarkuar me punë dhe përgjegjësi dhe këto janë disa nga justifikimet që përmendim për të shfajsuar veten pse nuk kemi rrëmbyer kohët e fundit një libër në duar. Meqënëse dita jonë është e lidhur ngushtësisht me teknologjinë dhe botën e internetit konsiderova si temë tepër interesante për këdo që do të lexojë  në internet.
Librat përcjellin vlerë të jashtëzakonshme, por njëkohësisht ato janë kthyer në një biznes të mirëfilltë, prandaj pirateria dhe leximi i librave papagesë në internet është gati i pamundur. Megjithatë pas një hulumtimi të gjatë, më poshte do ju prezantojmë me disa nga faqet ku  mund të lexoni libra të bukur dhe interesant, kryesisht në gjuhën angleze, por pa munguar edhe një faqe, e cila ofron tituj në shqip.

1. Bibliomania 
http://www.bibliomania.com/

Bibliomania është një faqe shumë e dobishme, tek e cila do të gjeni qindra tituj librash kryesisht në gjuhën angleze dhe frënge, të zhanerve të ndryshëm. Njëkohësisht duhet theksuar se ky site mund t'i sherbejë dhe studentëve për lexime të detajuara në fusha të vecanta studimore. Një specifike e faqes është thjeshtësia me të cilën është ndërtuar dhe fakti se mund të përdoret lehtësisht nga kushdo. Vizitojeni dhe më besoni nuk do largoheni pa nisur leximin e ndonjë libri.

2. Page by page books
http://www.pagebypagebooks.com/

Ky site i shërben cdo lexuesi, i cili ka dëshirë të zhyten në letërsinë klasike amerikane dhe angleze. Në këtë faqe mund të lexoni tituj të jashtëzakonshëm nga autorët më të mirë të botës dhe të gjitha janë papagesë. Cfarë pret akoma?  James Russell Loëell, Charles Kingsley,Charles Dickens etj. po të presin! :)

3.Questia
https://www.questia.com

Questia është një nga sitet më të mirëorganizuar që kam hasur ndonjëherë. Në këtë faqe online do mund të lexoni libra jo vetëm në fushën e letërsisë, por gjithashtu në fusha si: arti, komunikimi, biznesi, religjioni,muzika, sociologjia, teknologjia etj. Një tjetër avantazh i kësaj faqe është kategorizimi i letërsisë nëpërmjet aspektit gjeografik dhe historik, gjë e cila ndihmon cdo lexues të gjej lehtesisht librin që i duhet.

4.Wattpad
https://www.wattpad.com/

Wattpad është një faqe në të cilën mund të lexoni letërsinë bashkëkohore dhe jo vetëm. Autorët e rinj gëlojnë në Wattpad dhe një nga anët pozitive të saj është grafika e thjeshtë, tërheqëse e faqes dhe njëkohësisht fakti se mund të gjendet në App Store dhe Google Play, përvecse online. 

5.International Children's Digital Libray
http://en.childrenslibrary.org/

Në #njetuferrezeshneperre i kushtojmë një rëndësi të vecantë letersisë për fëmijë, prandaj në këtë listim nuk mund të mungonte një faqe e cila do ndihmonte prindërit dhe fëmijet me libra edukativ dhe interesant për të vegjlit. Në këtë site mund të gjeni tituj nga më të ndryshmit, të ndare në kategori sipas moshës së femijës, cmimeve që libri ka fituar, apo historisë që ai përcjell. Kjo është një faqe e cila i shërben të gjithë prindërve që paralelisht me gjuhën shqipe i kushtojnë vëmendje studimit të gjuhës angleze nga fëmijët e tyre. Më besoni kjo faqe do ju ndihmojë! 

6.Librat Online 
http://libratonline.blogspot.al

Kjo faqe përcjell disa tituj të bukur dhe të rëndësishëm në gjuhën shqipe. Numri i librave është i kufizuar, megjithatë autorët e përzgjedhur nga kjo faqe janë të mirënjohur dhe nuk duhen lënë pa lexuar. 
Në përfundim, dua të theksoj se nuk ka rendesi nëse zgjedhim të lexojmë në formën klasike apo atë elektronike, e rëndësishme është të ndricojmë mendjen me libra të mirë. Gjithashtu, do ju ftoja të gjitheve te jepnit sugjerimet tuaja mbi faqe të tjera të cilat përdorni dhe ia keshilloni dhe lexuesve të tjerë në Instagram https://www.instagram.com/njetuferrezeshneperre/ ose në blog.

Lexohemi të shtunën e ardhshme,

©RE

Etiketimet:

Comments

Post a Comment

Popular posts from this blog

‘’Shtëpia misterioze’’, kënaqësia e ditëve të verës

Java fluturoi dhe takimi i përhershëm i së shtunës me një libër ndër duar na gjeti në bregun e detit, me aromën e kripes e të rërës. Këtë javë në #njetuferrezeshneperre do flasim për një nga autorët më të mëdhenj francez. Në të vërtetë nuk është   hera e parë që sugjerojmë një libër të Honore de Balzak, por veprat e tij realiste, të bukura, njerëzore e të vërteta nuk mund të bëhen kurrë të përsëritura. Këtë javë do flasim për ‘’Shtëpia misterioze’’, një tregim i shkurtër i Balzakut. ‘’Shtepia misterioze’’ është botuar për herë të parë më 1831 dhe është pjesë e ‘’Komedisë Njerëzore’’. Ky tregim nis me mister që në faqet e para të tij. Dr. Horace Bianchon haset gjatë qëndrimit të tij në qytetin e Vendôme me një shtepi mistike, ku pemët, barishtet e gjelbërimi kishte gjalluar si pa të keq, e ku zogjtë, zvarranikët, macet e brejtësit bashkëjtonin e zhurmonin në shtepinë e braktisur, të cilën me shumë gjasa e gjenin si të tyren. Gjithcka që e bënte shtëpinë misterioze e ci...
1 comment
Lexo më shumë

Rrugëtimi për një vit magjik

Javët e para të vitit hasemi më një trysni të vazhdueshme në rrjete sociale, ku çdokush nis të shpalosë eksperiencat e tij të suksesit lidhur me menaxhimin e kohës e jetës. Nga të gjitha anët vërshojnë reklama fletoresh, axhendash, blloqesh e kushdo mundohet të tregojë sesi të  marrësh më të mirën e vitit tënd të ri. Gjithnjë më kanë pëlqyer nisjet nga e para, ku duket se me një valixhe plot ëndrra planifikon rrugëtimin tënd për vitin që të pret, por nganjëherë i gjithë ky kujdes për të matur sekondin e minutin e çdo dite, të bën të harrosh të jetosh. Me siguri, pjesa më e madhe e atyre që po lexojnë këto rreshta përballet çdo ditë me një ditë të ngarkuar në punë; të papritura frustruese sapo dalin nga shtëpia; përgjegjësi familjare; presioni për të dhënë maksimumin në çdo gjë që bëjnë etj. Nganjëherë të gjitha këto objektiva me të cilat mbushim jetën tonë të përditshme, vetëm sa na pengojmë të marrim vertëtë më të mirën e produktivitetit tonë. Kështu, lehtësisht e pa këshilla ...
1 comment
Lexo më shumë

Leximi i mëngjesit, aktiviteti i parë i një dite të mbarë

Të lexuarit është pjesë e rutinës sime të përditshme qysh prej vegjëlisë së hershme, atëherë kur gjyshërit e prindërit lexonin për të më dëfryer. Gjatë gjithë këtyre viteve, rutina e leximit ka qënë më së shumti e përqëndruar gjatë mbrëmjes, para se të shkoja për të fjetur e dukej se më shërbente si një ëndërr-prurës magjik. Kohët e fundit kam nisur të eksperimentoj me një metodë të re leximi të cilën dua ta ndaj me ju. Kjo metodë lidhet pikërisht me nisjen e ditës duke lexuar. Pra, imagjino që veprimi i parë me të cilën nis ditën sapo zgjohesh është të lexuarit. Ky 30-45 minutësh i zgjimit më të hershëm dhe përqëndrimi në një libër sjell dhjetra përfitime për ditën tënde e sidomos për jetën në aspektin afatgjatë. Më poshtë do ndaj me ju disa nga përfitimet që më kanë   ndryshuar përditshmërinë pas kësaj rutine të re:   1.   Zgjimi më i hershëm. Nisja e ditës në më herët të bën të marrësh gjithçcka më me nge. Ky zgjim më i ngadaltë pa patur frikën se po bëhesh von...
Post a Comment
Lexo më shumë

Shkruhemi së bashku

Name

Email *

Message *