Një tufë rrezesh nëpër RE ⛅

Periudha e festave është e përshatshme për t’i kushtuar më shumë kohe vetes, aktiviteteve që na kënaqin e na ushqejnë plot energji të reja. Gjatë muajit dhjetor, në Klubin e Librit #rrembelibrin i kushtuam leximet tona një libri të jashtëzakonshëm,'''Dita e mbetur'' shkruar nga Kazuo Ishiguro   .   Mund të them më plot bindje se ky është libri më i mirë, që kam lexuar kohët e fundit dhe më mbushi me madhështinë e tij, aq sa kam frikë nga cdo libër tjetër, që rrëmbej në duar për të lëxuar pas tij. Autori   Kazuo Ishiguro është një figurë unike e botës së letrave. Fitues i dhjetrave cmimeve letrare dhe i nderuar me Cmimin Nobel për Letërsinë, më vitin 2017. Historia e romanit është sa e thjeshtë aq edhe emocionuese.Uilliam Stivens është një ndër shërbyesit më të përkushtuar dhe besnik të kohës, që shërbeu përgjatë pjesës më të madhe të   jetës së tij në Darlington Hall, nën bindjen e Lordit Darlington. Pas përfundimi të luftës e vdekjes së Lordit, pron...

Viti 2018 mund të quhet lirisht viti i kujtesës historike të shqiptarëve. Gjatë këtyre muajve përkuan tri përvjetore të rëndësishme për vendin tonë sic janë: Përkujtimi i 550 vjetorit të vdekjes së heroit tonë kombetar, Gjergj Kastriot Skenderbeu ; 110 vjetori i mbajtjes së Kongresit të Manastirit dhe gjithashtu 140 vjetori i themelimit të Lidhjës së Prizrenit. Këto tri përvjetor të rëndësishëm, të cilët në zemër të tyre thërrasin bashkimin e shqiptarëve jo vetëm në ditë festash, atdhedashurinë, respektin e përuljen ndaj të parëve dhe dedikimin e punës e   ëndrrave tona në këtë vend, me siguri pa kontestime të palëve të ndryshme ia kushtojnë këtë kujtesë të rëndësishme historike Gjergj Kastriot Skenderbeut. Në këtë atmosfere festash, alegrie, patriotizmi dhe krenarie për kombin tonë në Një tufë rrezesh nëpër RE zgjodhëm që libri i muajit Nëntor në Klubin e Librit #rrembelibrin të ishte pikërisht ‘’Skenderbeu’’ shkruar nga Sabri Godo. Së pari duhet permendur se Skende...

Muaji tetor ishte i ngrohtë e i bukur dhe vetëm në ditët e fundit të tij, na rikujtoi se i ngrohti nuk është zakoni i tij tradicional. Jemi zyrtarisht në stinën e vjeshtës, shkelim mbi gjethet e kalbura, që veshin rrugët e në mbremje kërkojmë ngrohtësinë pranë një filxhani caji dhe një libri të mirë. Libri i muajit Tetor, në Klubin e Librit #rrembelibrin ishte një nga librat më të bukur të Erich Maria Remark, ‘’ Tre shoket’’. Për herë të parë e kam prekur këtë roman ende pa hyrë në klasën e parë. Më kuriozonte kopertina e tij lejla e celët , me fanarin e verdhë dhe portreti i shkrimtarit ne fundin e librit. (Vite më vonë, ai portret u mishërua në shkrimtarin tim të preferuar.) Gjyshja ime e shtrenjtë pasi e lexoi këtë libër e ruajti si një thesar për dy arsye. Së pari për kujtimin qe libri barte për të dhe së dyti për dashurinë, që filloi të himnizonte për Remarkun. Ndërsa e kisha parë shumë shpesh nëpër shtëpi, në rreshtin e parë të bibliotekës së familjes dhe...

Stina e vjeshtës kalohet më bukur në shoqërinë e një libri të mirë. Libri i parë për vjeshtën, të cilin zgjodhëm të lexojmë së bashku në Klubin e Librit #rrembelibrin është shkruar prej një nga autorëve më të dashur te letersise frenge, Albert Kamy.  Kamy njihet per stilin e tij të vecantë në të shkruar, origjinalitetin, temat e thjeshta po aq sa edhe absurd edhe për përcjelljen e ideve të tij ekzistencialiste. Mënyra e të shkruarit të tij është e pakoklavitur, e rrjedhshme lehtësisht, me fjali të shkurtra dhe figuracion të pakët. Gjatë muajit që lamë pas, ne lexuam ‘’I huaji’’ nga Albert Kamy. Subjekti i romanit përshkruhet nga tre vdekje të rëndësishme, të cilat shënjojnë përgjithmonë rrjedhën e ngjarjeve. Personazhi kryesor, Merso një djalë pa angazhime serioze dhe në përgjithësi një njeri, i cili e merr jetën lehtë ishte një njeri i pazakontë. Mënyra sesi e konceptonte jetën, vdekjen, opinionin e të tjerëve, fakti qe ishte thuajse i pandjeshëm ndaj dashurisë ...

Cdo muaj i ri shënjon një libër te ri në Klubin e Librit #rrembelibrin. Gjatë muajit Gusht, miku ynë më i mirë ishte ‘’Të kesh dhe të mos kesh’’ shkruar nga Ernest Hemingëej. Ky libër rradhitet ndër gjashtë   veprat më të mira të një nga shkrimtarët më të dashur të Brezit të Humbur. Gjithë romani vërtitet rreth Herri Morgan, një peshkatari të varfër, zemërmirë, por varfëria e drejton rrugëve të egra, të panjohura, të rrezikshme e të paligjshme.Herri është i gatshëm të ofrojë lundrimin në det për cdo të apasionuar pas peshkimit dhe cdo turist të gatshëm, për t’u njohur me aventurat detare. Bashkë me të në varkë, mban një pijanec, i cili gjatë romanit duket sikur thotë gjërat më të vërteta kur është i pirë e nuk funksionon aspak kur është esëll. Herri mbetet trokë kur një udhëtar e mashtron e nuk e paguan pas shëtitjeve tri javore. Kjo situatë e vështirë ekonomike e detyron të pranojë disa pune të paligjshme, si kontrabanda e pijeve alkoolike dhe mallrave të ndrysh...

Në Klubin e Librit #rrembelibrin vendosëm që muajin Korrik ta ndajmë me një autor nobelist. Orhan Pamuk është një nga shkrimtarët më të dashur turk, jo vetëm për kombin e tij, por tanimë për të gjithë botën. Librat e tij janë ndër më të kërkuarit, më   të lexuarit e më të diskutuarit. Ai solli Turqinë në vëmendjen e gjithë botës, nëpërmjet librave të tij të mrekullueshëm, prej të cilëve lexuesit u njohën me historinë, kulturën, mendësinë dhe popullin turk. Pamuk u vlerësua me cmimin shkëlqimplote Nobel më 2006-ën dhe që prej asaj kohe dashuria e lexuesëve për të u shumëfishua. Libri me të cilin freskuam zagushinë e tmerrshme të Korrikut ishte ‘’Muzeu i Pafajësisë’’ një nga kryeveprat më të arrira të autorit. Ky libër pa për herë të parë dritën e botimit më vitin 2008. Ngjarjet e romanit zhvillohen në Turqinë e viteve ’75 – ’84 dhe në zemër të tij qëndron një histori e jashtëzakonshme dashurie mes Kemalit, një djali të kamur ekonomikisht, të realizuar e të fejuar m...

Fundjava mbërriti e bashkë me të edhe sugjerimi nga Klubi i Librit #rrembelibrin. Muaji Qershor ishte i ngarkuar për te gjithë, plot studime, me ankthin e provimeve dhe evente të rëndësishme, por libri, i cili na   qetësoi cdo mbrëmje para fjetjes mes furtunave të Qershorit ishte ''Unë jam Malala : Vajza që u ngrit për arsimimin dhe u qëllua nga talebanët'' shkruar nga Malala Yousafzai. Ky është një libër i pazakonte, tronditës dhe të le shumë hapësirë të meditosh. Malala tregon në vetë të parë historinë e familjes së saj, ëndrrat e një adoleshenteje, dëshirat për të ardhmen dhe njëkohësisht historinë e vendit të saj,e cila shprehet shkurtimisht nëpërmjet absurdit: ‘’ Unë vij nga një vend që u krijua në mesnatë. Kur pothuajse dhashë shpirt, ishte vetëm pas mesditës.’’ Ngjarjet e librit janë aq aktuale e të prekshme edhe sot në vende të vecanta në botë, saqe kanë aftësinë të rrënqethin e të bëjnë të lutesh për paqe dhe liri. Unë jam moshatare me Malalën...

Sa herë na ka trazuar zemrat, mendimet dhe kujtimet, viti i mbrapshët '97? Viti i dhimbjes së madhe, i vuajtjeve, i lotëve dhe i trazirave është pikërisht viti i lindjes sime. Në Klubin e Librit #rrembelibrin , gjatë muajit Maj zgjodhëm të lexonim librin ''Sikur Ana'' shkruar nga Rudina Xhunga. Ky libër është një  thesar. Ditari i nënës, fati i keq i së cilës shkroi se ajo duhet të përjetonte ndjenjat e mëmësisë në një kohë të papërshtatshme, ku baruti kundërmonte, armët gjëmonin dhe fajdet gumëzhinin. Ky libër është si një kronikë e ngjarjeve të tmerrshme dhe përjetimeve të dhimbshme njerëzore. Një vajzë e re, e cila me emocion e lumturi, pret të jetojë bekimin më tëmadh të jetës, lindjen e vogëlushes së saj. Ëndrra këputet në mes, prej dashurisë, me dashurinë, nga i dashuri. Zhvillimet e ngjarjeve të rrëmujshme të  '97-ës bënë që pritja e ëmbël e saj, të kthehej në ndërprerje të vuajtur, agoni, ndjenjë faji dhe hidhërimi. Ditari i shkruar si një...

Muaji Prill, të cilin sapo pëcollëm solli në Klubin e Librit #rrembelibrin, një autor i cilësuar si një nga më të mirët e letërsisë bashkëkohore spanjolle, i vlerësuar në mbarë botën dhe i konsideruar si fenomeni, i cili i dha jetë epidemisë së dashurisë për librat e harruar, Carlos Ruis Zafon.  Një nga librat e tij më të jashtëzakonshëm është ''Loja e engjëllit'', një triller i cili të mban mbërthyer në cdo rresht e shkronjë. Ngjarjet zhvillohen në Barcelonën e bukur, por të mistershme të viteve '20-'30 dhe ngjarja rrothullohet përqark një shkrimtari të apasionuar, të talentuar e këmbëngulës, i cili gjen qetësi vetëm nga puna e tij, të shkruarit. Gjithë jeta e tij ka qenë me lëkundje të thella duke filluar që nga fëmijëria e tij e trazuar e deri në ditët në të cilat jeton. Dukej sikur gjithmonë dicka pengonte lumturinë e tij, suksesi me përpjekje, por jo plotësisht i arritur, romanca e pamundur, misteret dhe telashet që duket se lidhen me një anë ...

Në Klubin e Librit #rrembelibrin, gjatë muajit Mars lexuam së bashku një nga librat më të bukur të një autori brilant të letrave shqipe, Fatos Kongoli me romanin ‘’Lëkura e qenit’’. Ky roman është një shëmbëlltyrë e pastër e përjetimeve dhe ndryshimeve që pëson ndërgjegja njerëzore mes dy sistemeve politike. Kongoli paraqet reflektimet si në pasqyrë të tranzicionit emocional të individit dhe shtrëmbërimeve të vyrtyteve të tij prej veseve njerëzore, shoqerisë, egos , ambicies dhe opinionit. Thelbi i këtij romani është rëndësia e dëgjushmërisë me vëmendje të zërit të nënvetëdijes,zëri i cili të qorton herë me të drejtë dhe herë jo dhe zëri që të inkurajon e të jep zemër. Ky është zëri i së vërtetës, zëri që kumbon kujtimet dhe rikthen përjetimet. Ky është zëri që thërret në mendje dhe zemër për dashuritë e shkuara, për fëmijërinë e ëmbël dhe gabimet e cdo faze të jetës. Romani i Kongolit bazohet thellësisht në retrospektiv dhe duket se përforcon dhe një herë mendimin se ve...

Fundjava mbërriti dhe bashkë me të edhe artikulli mbi Klubin e Librit #rrembelibrin. Muaji Shkurt iu dedikua një autori të mirënjohur francez, të përkthyer në të gjitha gjuhët e botës, të dashur për lexuesit e mbi të gjitha një nga ato autor, librat e të cilit nuk duhet të mungojnë në pasurinë tënde letrare. Gi de Mopasan një autor i cili i përket rrymës realiste në përshkrimet e të cilit bëjnë përshtypje detajet e hollësishme dhe natyraliteti i të shkruarit. Kryesisht, autori i shumë tregimeve të cilat kanë bërë bujë që në publikimin e tyre të parë, por libri që përbën kulmin e tij është padyshim ''Bel Ami'', historia e një gazetari që herë pas here duket se pasqyron vetë jetën e autorit. Hera e parë kur pa driten e botimit ishte viti 1885 dhe që prej asaj kohe ka patur me mijëra ribotime. Mjedisi i brendshëm i librit është Parisi i atyre viteve, i cili lundron në ''La belle epoque''. Fillimisht para se të hyjmë në detajet e historisë, le ...

Postimi i sot ë m i kushtohet i gjithi librave. Letersia ushqen shpirtin dhe Klubi i Librit është konceptuar si nj ë  oaz i përbashket qetësie, përthithje dijesh dhe emocionesh që vet ë m librat falin. Muaji Janar, solli në #rrembelibrin një autore shqiptare të vecantë, t ë  vlërësuar dhe mirënjohur. Flutura Acka një zë i fuqishëm që i bertet lakuriq problematikat sociale shqiptare. Një autore e dashur, e cila ka rrëmbyer zemrën e cdo lexuesi me origjinalitetin e t ë  shkruarit, trajtimin e realitetin pa asnje zbukurim bosh dhe dramën e rrefyer prej rrugicave më të pandricuara të shpirtit.  ''Kukullat nuk kanë Atdhe'' shfaq dramën e kukullave që ne njohim, që kemi takuar ose jemi, në një Atdhe burrash frikacakë, ku ende vajzat dhe gratë shihen si nje shtojcë me pak të drejta dhe si një qenie pa gojë e pa mendje, por vetëm e bukur, si pronë,si kukulla e burrit të saj. Në këte roman këndon dhimbja, vë kujën vdekja dhe gjëmon fatkeqesia që solli ...