Jeta e vrullshme, e mbushur me ditë të ngarkuara pune,
presion për të realizuar cdo përgjegjësi dhe detyrë, shpesh shoqërohet me
mungesë përqëndrimi për të përmbushur cdo objektivë. Vështirësitë në të përqëndruarit
dhe kalitjen e durimit për të mos u tunduar nga çdo element, i cili ka aftësinë
të largojë vemendjen tonë nga gjërat që kanë vërtetë vlerë është një nga
problematikat kryesore, që na bën të përballemi me shpërqëndrimin,
mosrealizimin e detyrave në kohë dhe krijimin e nje mali të papërfunduar me përgjegjësi,
të cilat vetëm shtohen e shtohen.
Sot do ndaj me ju, disa mënyra sesi të mos shpërqëndroheni
gjatë procesit të të studiuarit apo të punuarit.
1.
Hapësira e punës.
Për mendjen është e rëndësishmë
të veçojë ambjentet dhe aktivitetet e ndryshme. Krijimi i një hapësire të
dedikuar për të punuar apo studiuar është një nga hapat e parë e më të suksesshëm
për të mësuar pa u shpërqëndruar. Të gjithë këmi provuar të studiojmë në
shtrat, por përfundimi ka qënë i njëjtë për të gjithë, ndjesia e përgjumjes, përvec
arsyeve të pashëndetshmë të një keqqëndrimi, i cili ndikon në posturën e shtyllës
kurrizore.
Një tavolinë, e cila do të shërbejë vëtëm për të studiuar/
punuar, në të cilën keni vendosur me kujdes të gjitha mjetet e nevojshme, por
pa e mbingakuar atë, duke mbajtur pranë vetes vetëm mjetet e domosdoshme.
2.
Një listë me detyra.
Të shkruarit të detyrave dhe pritshmërive prej secilës punë,
vecse ndihmon në realizimin e përgjegjësive në mënyrën më të përsosur. Duke
shkruar në një letër gjithcka që pret të arrish në sajë të orëve të
studimit/punës të ndihmon të punosh me qëllime të qarta dhe pa shpërqëndrime.
3.
Dëgjo tinguj qetësues.
Një nga shkaktarët më të mëdhënj të shpërqëndrimit janë
zhurmat. Ky është një problem që eleminohet lehtësisht duke zgjedhur të dëgjosh
tinguj të ndryshëm të natyrës apo muzikë klasike. Nje nga aplikacionet që iu
sugjeroj për të ndihmuar në fokusim është Tide, provojeni dhe më falenderoni më
vonë.
4.
Braktis internetin.
Të qëndruarit me orë të tëra në rrjete sociale, kur në të vërtetë
kemi shumë punë për të kryer është arsyeja reale pse shume nga detyrat tona i shtyjmë
për një ditë tjetër. Gjithë ajo kohë e humbur në mënyrën më të padobishme
kthehet në problem serioz në jetët tona, ndaj pasi jemi ndërgjegjësuar sesa kohë
shpenzojmë më kot në internet duhet të mësojmë t’i vendosim vetes disa kufijë.
5.
Mos harro të pushosh.
Teksa flasim për orë të gjata studimi apo pune, një nga gjërat
që ndihmon në përqëndrim është të ndërtojmë ndërtojmë një orar. Ky orar do të
na ndihmojë, që pervecse të studiojmë edhe të shplodhemi. Unë preferoj pas 45
minutash studim, të pushoj rreth 10 minuta. Do ishte mirë që minutat e pushimit
t’i shpenzonim larg hapësirës së studimit, në mënyrë që të krijojmë një cast
shplodhje për sytë e mendjen.
Në përfundim dua të them se këto janë disa nga mënyrat, që
funksionojnë për mua e i përdor cdo ditë. Megjithatë secili nga ju është i
ndryshëm dhe mund të na pasurojë me të tjera këshilla të vlefshmë sesi të përqëndrohemi.
Mos hezitoni t’i ndani këshillat tuaja me ne në komente!
Rilexohemi javën e ardhshme,
©RE
*Ky artikull nuk lejohet të ribotohet pa lejen e autores.
Kontaktoni: njetuferrezeshneperre@gmail.com
Comments
Post a Comment