Muaji i fundit ka qënë tërësisht i përqëndruar tek rruga për
të takuar ëndrrat e mia, udhëtimi i mundimshme dhe i lodhshme i ngjitjes së
shkallëve për të prekur yllin, të cilin e shoh prej kohësh dhe luftës së
brendshme të të mbijetuarit në një realitet të ashpër. Vendosa të lexoj më pak
letërsi klasike emë shumë libra frymëzues, shkruar nga vajza e gra, të cilat
kanë influencuar mendësinë e miliona të tjerave nëpër botë, që dëshiroj t’i
ndaj me ju.
1.
I am that GIRL – Alexis JONES
Nëse gjendeni në një udhëkryq, mes ëndrrash e dëshirash e mungesës së vetëbesimit për të marr vendime, zgjedhur midis mundësive dhe vështirësive
për të ndërtuar qëllime konkrete, ky libër do të shërbejë si një udhërrëfyes i
vërtetë. Leximi i këtij libri më njohu me mësime të vërteta jete duke më
rikujtuar pozitivitetin në çdo vëshirësi e disfatë. Veçantia e këtij libri qëndron
tek fuqia e tij për të ndryshuar mëndësinë mbi aftësitë e tua, dashurinë për
veten dhe kujtesën se TI je një individ unik.
2.
#GIRLBOSS – Sophia AMORUSO
Nëse jeni në kërkim të një libri, të cilin e merrni në duar
kur ndiheni të pashpresë, por brenda tij jeton energjia e bukur, e cila të
beson se t’i mund të ndryshosh botën, lexoni pikërisht #GIRLBOSS. Sophia
Amoruso, sipërmarrësia e njohur, e cila me rebelizmin dhe inteligjencën e saj
arriti të ndërtonte një perandori, me peshën e përgjegjësisë dhe kënaqësisë, që
vëtëm pavarësia mund të të falë ka shkruar një libër të këndshëm, me nota
humori, sarkazme dhe tepër elegant. Gjatë leximit, veçse ndikohesh thellësisht
nga ambicia dhe eksperienca do të përvetësosh një histori suksesi dhe disa mësime
të vlefshme biznesi. Gjithashtu, ju sugjeroj të shihni serialin e prodhuar nga
Netflix me të njëjtin titull, bazuar tërësisht në këtë libër.
3.
Becoming – Michael OBAMA
“Të bëhesh” mbase është ndër librit më të përfolur të verës
në mbarë botën. Kureshtja për jetën e një prej grave më të arrira, vështirësitë
e t’u qënit Micheal Obama dhe përjetimet e saj janë shprehur me një elokuencë të
veçantë dhe ndjeshmëri të lartë. Pasi e lexova, ndjeva fuqinë e saj, rëndësinë
e vetbesimit, fatin e të rrethuarit nga njerëz prej të cilëve mund të mësosh
shumë dhe peshën e të qënit thjeshtë njeri. Mendoj se ky libër sjell eksperiencën
e Zonjës së Parë të SHBA-së në përjetimet njërëzore, të cilat nuk e bëjnë aspak
të ndryshme nga gratë e tjera.
Libra të tillë, frymëzues e me eksperienca të vërteta janë
një mënyrë e thjeshtë për të kuptuar se nuk je e vetme. Së pari, të qënit në mëdyshje
për jetën dhe të ardhmen tënde nuk do të jetë një gjendje e përhershme, ndaj
njohja me histori të ngjashme, mbase ndihmon për mos të humbur shpresat. Së
dyti, suksesi nuk është një destinacion, por një rrugëtim i tërë. Së treti, të
ngarkuarit e vetes me dhjetra detyra e përgjegjësi për të prekur suksesin sa më
parë nuk është zgjidhja e duhur. Mjafton që për sot të buzëqeshësh dhe kështu
e preke një rreze shkëlqimi prej suksesit.
Rilexohemi shpejt,
*Ky artikull nuk lejohet të ribotohet pa lejen e autores.
©RE
*Ky artikull nuk lejohet të ribotohet pa lejen e autores.
Kontaktoni: njetuferrezeshneperre@gmail.com
Comments
Post a Comment