Nje libër i mirë ka fuqinë të ndryshojë jeten tënde. Të
lexuarit është një proces i rëndësishëm
për zhvillimin shpirtëror dhe mental . Leximi ndërton pjesë të karakterit të
cilat asnjë formë tjetër nuk ka aftesinë t’i ndryshojë. Koha që i kushton të lexuarit
tregon sesa e do veten dhe sesa je i aftë të përthithësh nga bota për të zgjuar
kreativitetin, frymëzimin dhe motivimin.
Lufta e vërtete në kohën e telefonëve inteligjent dhe
rrjeteve sociale,të cilët gumëzhijnë nga gjithcka sipërfaqësore dhe nga pak gjë,
e cila shërben si ushqim për shpirtin është të rikthejmë në vëmendjen e të
gjithëve LIBRAT. Justifikimi që i madh e
i vogël ka në majë të gjuhës kur pyetet për marrëdhënien e tij të vakët me
librat është mungesa e kohës së lirë.
Sot dua të ndaj disa keshilla praktike për të bërë një hap para dhe për
t’iu rikthyer dashurisë me librin, i cili është sfumuar nga rrjetet sociale.
- LIBRAT NUK JANË VETËM PËR KOHËN E LIRË
Këshilla e parë është të përfshish aktivitetin e leximit në
programin tënd ditor. Rëndësia e frekuentimit të rregullt të palestres për të
mbajtur trupin në formë duhet të barazohet me kohën e shpenzuar për të ushqyer
trurin dhe shpirtin me një liber te bukur.
- MERRE LIBRIN GJITHMONË ME VETE
Në përditshmëri hasemi me trafikun e padurueshëm, vonesat e
rradhët e gjata dhe ajo qe bëjmë për t’i
shpëtuar janë rrjetet sociale. Pse të duhet Instagrami kur në cante mund të
kesh nje liber qe të shpeton pikerisht nga këto situata të bezdishme dhe t’i
nuk e ndjen fare kohën që kalon në pritje?
- LEXO PARA SE TË FLESH
Pas rutinës tende të pernatëshme dhe kujdesit per veten, investo kohën
e para gjumit duke u endur në botën e librave. Shkencërisht është vërtetuar se
të lexuarit para gjumit ndikon në cilësinë e tij dhe shërben si një terapi
relaksi pas një dite të ngarkuar. Mos hezito të mbash gjithnjë librin në krah të
krevatit, si një kujtesë në rast se mund të harrohesh mes rrjeteve sociale.
- BASHKOHU NË GOODREADS
Goodreads është një komunitet virtual për lexuesit , I cili
shërben për të rekomaduar dhe sygjeruar libra. Kjo faqe mund të të ndihmojë të
motivohesh për të lexuar dhe gjithashtu aty mund të gjesh titullin e rradhes.
- BASHKOHU NË KLUBIN E LIBRIT
Ideja e nje Klubi Libri nuk është me
një risi, por është një mënyrë e
jashtëzakonshme për të ndarë përshtypje me lexuesit e tjerë. Të qenit
interaktiv ndërkohë që lexon mund të jëtë
një nga avantazhet e rrjeteve sociale. Klubi I Librit është formuar dhe
në Shqiperi dhe mund të bashkoheni të gjithë në hashtagun #rrembelibrin.
- LIBRAT NUK KANË PSE TË JENË GJITHMONË TRADICIONAL
Sot ekzistojnë me dhjetra aplikacione të cilat ofrojnë mijëra
tituj librash falas në smartphone-in tend, një klikim larg. Vëtëm pasi ta kesh
shkarkuar njërin prej këtyre apps nuk ka
më nevojë të ndihesh në faj pse harxhon aq shumë kohë me telefonin në duar,
sepse tani koha jote po shfrytëzohet për të lexuar.
Tanimë, pas një doze të mire motivimi për t’iu bashkuar
leximit nuk të mbetet gjë tjetër vecse
të rrëmbesh librin e papërfunduar prej kohësh ose të trokasësh në librarinë më
të afërtë për një titull të ri.
Lexohemi së shpejti
me të tjerë artikuj mbi librat,
©RE
Comments
Post a Comment