Të shpenzosh kohë duke iu përkushtuar leximit është një
aktivitet për të cilin do falenderosh veten më vonë. Përfitimet të cilat
grumbullohen janë të panumërta dhe artikulli i sotëm shërben si një kujtesë e të
gjitha aspekteve pozitive të cilat leximi sjell dhe si një këmbanë thirrje për
të rrëmbyer sa më shpejt të mundësh librin që ke lënë përgjysëm prej kohësh.
Në vazhdim, do përmbledh vetëm pesë nga dobitë e librit në
jetën tënde.
1.DIJET DHE
NJOHURITË NUK JANË KURRË TË TEPËRTA.
Funksioni i parë i librave është ai inforumues. Secili duhet
të zgjedhi mes larmisë së titujve atë që i duket më i përshtatshëm dhe që i shërben në
formimin e tij akademik apo atë që përmbush kuriozitetet e tij. Libri është një
oqean dijesh, prej të cilit nuk mbytesh kurrë, por vetem meson të
perfeksionohesh në notin e lodhshëm të përditshmërisë.
2. NJË
FJALOR I PASUR DHE NJË ARTIKULIM I RRJEDHSHËM NUK TË TRADHËTOJNË KURRË.
Sa herë je gjendur në një situatë të vështirë, ku problemi më
i madh është të artikuluarit? Jam e bindur që përgjigja e të gjithëve ne është
''Shumë herë.'' . Situatat e sikletshme, intervistat e punës, prezantimet përpara
një grupi të madh njerëzish, e shumë raste të ngjashme bllokojnë funskionin normal mendor dhe te folurit dhe kjo
prej stresit dhe ankthit që krijohet, por librat ndryshojnë gjithcka.
Asnjë situatë nuk e gjen të papërgatitur dikë që i ka
dedikuar shumë kohë leximit. Pasurimi i fjalorit të përditshëm, eleminimi i cdo
huazimi, i cili aq sa e zgjeron edhe e vret gjuhën shqipe, por mbi të gjitha
zhdërvjelltësia që të fal leximi, të bën që në cdo situatë të dalësh faqebardhë.
Aftesitë e mira shprehëse dhe aftësitë e thella analitike që ndërtohen prej
leximit ndihmojnë njëkohësisht në aftësitë shkruese, të cilave i vihet cdo ditë
e më shumë rëndësi.
3.LEXIMI ËSHTË
PALESTRA E MENDJES.
Titulli i mesiperm nuk është aspak i cuditshëm. Një nga
aktivitetet që ndihmon kujtesën tënde është pikërisht leximi. Shkencëtarët kanë
vërtetuar se informacioni i marrë nëpërmjet leximit është 3 hërë më i rrënjosur
në memorien tënde dhe më i përdorshëm prej teje, sesa informacioni i marrë nga
mediat audiovizive. Nëse dëshiron që kujtesa jote të jetë e pagabueshme deri në
fund të jetës kushtoi leximit minimalisht një orë në ditë. Justifikimet kur bëhet
fjalë për leximin janë të papranueshme.
4.LEXIMI
ELEMINON STRESIN DHE PËRFORCON PËRQËNDRIMIN.
Stresi duket se është fjala më e përdorur në përditshmerinë
tonë. Në punë hasemi me të, në shkollë ushtrohet stres, madje edhe në pritje të
operacioneve të përditshme në institucione bankare apo shtetërore ndjen stresin
dhe padurimin. Kundër të gjithë këtyre faktorëve të jashtëm të cilët ndikojnë
negativisht në shëndetin tonë lufton leximi.
Leximi ka aftësinë të zhvendosi mendjen tënde në botën e tij,
duke të bërë të harrosh të gjitha
problemet e vogla të kaluara gjatë ditës. Koha në të cilën zhytesh në lexim, të
ndihmon të kalisësh durimin dhe të forcosh përqëndrimin. Këto dy të fundit janë
probleme të hasura gjerësisht në ditët tona në një kohë kur përqëndrimi largohet vetëm nga një
trigëllimë e njoftimeve të telefonit.
5.TË
LEXUARIT ËSHTË NJË VEPRIMTARI ARGËTUESE.
Leximi nuk duhet të konsiderohet si detyrim, mbi te gjitha
ai është argëtim. Një libër i mirë mundet të largojë cdo pakënaqësi të ditës
dhe mes miliona titujve të përkthyer në shqip ose ato në gjuhët origjinale me
siguri do gjesh veten diku.
Në përfundim të këtij artikulli do ishte vërtet lumturi nëse
disa prej jush janë frymëzuar të perfshihen në librin e tyre dhe të investojnë
kohë cilësore për shëndetin e tyre mendor dhe emocional.
Lexohemi javën e ardhshme,
©RE
©RE
Comments
Post a Comment