E shtuna troket shpejt, java kalon plot lodhje, punë,
monotoni dhe pak kohë për veten, por një liber i mirë është shërimi i një jave
të zakontë. Këtë fundjavë, në '''Një tufë rrezesh nëpër RE'' zgjodha një libër
krejtësisht të ndryshëm nga ata, të cilët kam sygjeruar deri më tani.
Kjo javë është e vecantë sepse sjell një autor të papërsëritshëm,
të dashur, të ndjeshëm e të afërt. Një autor i cili hyn në cdo rrahje zemre të
lexuesit dhe jeton në të përjetësisht, Teodor Keko me përmbledhjen e poezive të
zgjedhura ''Kryqëzim''.
Së pari, poezitë e tij kanë aftësinë unike të shfletojnë cdo
fletë të shpirtit tuaj. Teodor Keko zhvesh me sinqeritetin, ciltërsinë dhe
elegancën cdo petkë fshehëse të shpirtit, mendjes dhe fytyrës së vërtetë. Ai
shkruan për njeriun dhe hyn me delikatesë deri në skutat më të errëta të
mendimeve njerëzore, deri atje ku njeriu ka frikë të pranojë se mendon. Vargjet
e tij përcjellin jetë, atë të vërtetën, me ciltërsi, buzëqeshje, dashuri,
dhimbje,ndarje, vuajtje, rimëkembje, përpjekje deri në përpëlitje dhe
fatalitetin e pashmagshëm njerëzor. Poezitë e tij janë burim frymëzimi,
reflektimi dhe vërtetësia e tyre e kristaltë shërben si një ngushëllues përnjëherë.
Së dyti, poezitë e tij janë kaq transparente dhe të sinqerta
saqë nuk do e ekzagjeroja aspak nëse do thoja se nëpërmjet tyre cdo lexues mund
të njohi cdo fazë të jetes së Dorit, me përjetimet e tij origjinale, me ndjeshmërinë
dhe shpirtin e tij të madh. Dori ka aftesinë magjike të arrijë të realizojë një
katarsis të plotë të shpirtit tonë. Ai zhytet në përjetimet njerëzore dhe flet
për to, si për dic të zakontë, trishtohet dhe buzeqesh sërisht. Shpresa në
poezite e tij ndihet në cdo varg edhe kur përshkruan pamjen më pak të dashur që
ka fituar njeriu sot, zemërngushtësinë, egoizmin, dhunën.
Së treti, ky libër është një përmbledhje e përsosur e
poezive që përshtaten për cdo moshe, që nga të rinjtë ënderrimtar e deri te
gjyshërit plot eksperienca të vlefshme jetësore, por me dëshirën e madhe për
jetën, me dashurinë e pakufijtë për të.
Poezitë për dashuritë, herë të gëzueshme e herë të trishta janë një nga gurët e
cmuar në thesarin e letërsisë shqipe. Figuracioni i tij letrar është mahnitës,
leksiku i jashtëzakonshëm, metaforat dhe krahasimet që të krijojnë një ndjesi
fluturimi në një udhëtim letrar magjik, të cilin vetëm Dori di ta dhurojë. Poezitë
për jetën, mbi dëshirën e tij për të jetuar, mbi dashurinë për familjen, bashkëshorten,
fëmijët japin ndjesi të papërshkrueshme me fjalë. Poezitë për vdekjen, për burrerinë
me të cilën e priste atë, për luftën e tij deri në frymën e fundit, për një
minutë më shumë dritë, për dashurinë.
Dori ishte një poet i rrallë, poezitë e të cilit prej artit,
mrekullisë dhe muzikalitetit, jo më kot janë kthyer në hite të ajkës së muzikës
shqiptare, këngë këto të kompozuara nga muzikantë të njohur, të suksesshëm dhe
të denjë për magjinë e vargjeve të tij. Filozofinë e tij e përcjell në cdo
poezi, mendimet e tij të thella, dashurinë e madhe për njerëzit, vetësakrifikimin
e tij në poezitë për dashurinë dhe
shpirtin e tij të brishtë dhe të pastër, i cili të bën të dashurohesh me të nëpërmjet penës së
tij të artë në cdo gërshetim vargjesh.
Në përfundim, poezitë janë një shprehje intime e ndjesive
njerëzore. Një poezi nuk bën transparent vetëm poetin, por bën të lexohet
edhe shpirti i lexuesit. Nje poet i mirë arrin të krijoj këtë lidhje dhe të vendosi një urë komunikimi mes
tij dhe lexuesit vetëm nëpërmjet ndjenjave dhe kryqëzimesh të njëjta njerëzore
në të cilat kalojnë të dy dhe Dori është poeti i cili pasi krijon këtë lidhje
me lexuesin, asnjëri prej tyre nuk shkëputet më prej tij. Dashuria për poezitë
e tij shtohet e shtohet dhe adhurimi për sinqeritetin dhe shpirtin e tij e ben
Dorin të jetojë gjithmonë brenda zemrave tona, nëpërmjet artit.
Këtë javë nuk mund t’iu lë pa një poezi prej Dorit, me
shpresën që pasi ta lexoni ju do vraponi për t’u zhytur mes poezive të tjera të
tij.
Përqafimi
Po fryn një erë e ngrohtë nga jugu,
në park, ngadalë përkulen pemët,
si krahë të dridhshëm të dashuruarish
në përqafim ndërthurren degët.
Dhe mua më kujtohesh ti
e ngrohtë, e bukur si kjo erë,
me krahët lidhur pas trupit tim
për puthje etur dhe pamje mjerë.
Cfarë mrekullie do ish të vije
në sup symbyllur të rrije pranë,
dhe puthja jote, si dorë artisti
ta kthente gjoksin tim në kitarë.
Por ti, s’vjen më! Mjerisht s’vjen!
Vec motin ngroh e dërgon erë,
që unë të qaj me një lot
që unë të perqafoj një pemë.
Ju ftoj në leximin e ‘’Kryqezim’’ me shumë këmbëngulje dhe dashamirësi.
Lexohemi së shpejti,
©RE
©RE
Comments
Post a Comment