Gjithcka e kthyer në detyrim shëndërrohet në një ''torturë'' sfilitese. Të gjithëve na ndodh me angazhimet tona të përditshme të kemi ditë kur produktiviteti është i ulët dhe përqëndrimi i pamundur. Paramendoni se në një ditë të tillë, ku lodhja ka kapluar cdo shqisë tënden, detyra për të nesërmen të jetë një ese impeniative.
Paraprakisht, dua t'ju them se pas katër këshillave, të cilat do lexoni më poshtë, do kuptoni se lodhja nuk pranohet më si justifikim dhe e vetmja gjë që ju mbetet është të rrëmbeni fletoren dhe të punoni.
1. Kërko
Celsi i suksesit në një ese të mirë është të kërkosh në mënyre të zgjuar. Së pari, organizo të gjitha mendimet dhe të dhënat që zotëron përpara se të nisesh hulumtime më të detajuar. Më pas gjej disa burime të besueshme informacioni,mos u lodh duke lexuar,por në fund krijo dhe shpreh ndjesitë, mendimet dhe këndveshtrimin tënd.
Mendo mbi temën e eses ndërkohë që je duke kryer aktivitete të pashmangshme të përditshmërise, si gjatë rrugës së kthimit për në shtëpi, gjatë vrapit në palestër apo gjatë konsumimit të vaktit të drekës.
2. Konsultohu
Nganjëherë një bisede e shkurtër me dikë tjeter për temën e eses tënde ndihmon jashtëzanonisht për të frymezuar. Diskutoje këtë temë me miqtë apo familjarët dhe tregohu i vëmendshëm në mendimet e shprehura nga ta, ndërto qëndrimin tënd dhe mos e lejo zellin të shuhet pa shkruar mirë e mirë.
3.Mos hiq dore
Pasi provon të formosh fjalitë e para, has veshtirësi në ndërtimin e një rrjedhe logjike ? Mos u shqeteso,edhe mua me ndodh shpesh. Dorëzimi nuk mund të konsiderohet si mundësi kur flasim për një sprovë mes mendimit dhe shkrimit, sic eseja është Truri ynë ka aftesinë që edhe nga fjali, të cilat mund të tingellojnë jo më të bukurat dhe interesante, të shtyj në disa labirinte,të cilat do e lartësonin nivelin e eses tuaj.
4.Frymëzohu
Secili nga ne ka shtigje të ndryshme nga ku frymezohet dhe freskohet me ide kretive. Për disa muzika, për të tjere artet pamore apo vizuale, cilido qoftë pasioni juaj shfrytezojeni për t'u bëre më krijues.
Për ta përmbledhur, frymëzimi brenda jush lind natyrshëm edhe në rastet kur përditshmëria ka plagosur disi pjesën krijuese brenda jush. Rrëmbeni fletoren dhe shprehini më të mirën e vetes!
©RE
Comments
Post a Comment