Skip to main content

‘’Mashtruesi’’ nga i cili nuk do ndaheni deri faqen e fundit’’





''Humbja e dashurisë bën të dorëzohet dhe mashtruesi më i paskrupullt i botës.'' 

 Richard Morgieve është një shkrimtar dhe skenarist francez. Veprat e tij janë pak të njohura prej lexuesve të thjeshtë edhe pse është vlerësuar me dhjetra cmime letrare dhe zotëron një talent të vecantë, duke e kthyer në një shkrimtar të pëlqyeshëm për ata që e njohin.

 Në gjuhën shqipe prej krijimtarisë së Morgieve është përkthyer vetëm libri i titulluar ''Mashtruesi'', një histori, e cila të mban duarlidhur e të bën të mos i largohesh librit deri në fletën e fundit. Historia ndërtohet në formën e retrospektivës.

 Një polak, i quajtur Andree, i gjatë ekzaktësisht 1.68 cm, me një fytyrë josimetrike dhe aspak estetike, por me karakteristikat e një manipulatori të vërtetë. Ai jetonte nëpërmjet mashtrimit, siguronte jetesën, të ardhmen dhe madje edhe dashurinë. Gjatë viteve të luftës kishte qënë një trafikant dhe përvecse kishte fituar disa të holla kishte krijuar edhe armiq, ama pas lufte ai kthehet në një tregtar shpirtgur.

  Polaku njihet me një grua të bukur, elegante, romantike, naive, nënë e një djali dhe që prej takimit të parë Stephanie ndjen se mes tyre lindi dashuria e përrallave, ku ajo adhuronte dhe karakteristikat më të paadhurueshme tek ai. Mes tyre lind pasioni, i cili i errte sytë e i ndriconte shpirtrat. Dashuria e pakufijshme dhe ndjenjat e bukura dhe dehëse që e shoqja i falte nuk e bën të ndryshonte shumë mashtruesin e pandreqshëm. Ai vazhdonte të zbehte dashurinë e të tjerëve duke  idealizuar dashurinë për pasuri. Polaku lunate kumar dhe vinte në provë ato të holla qe kishte dhe dashurinë e të tjerëve për të.

 Fundi i librit na gostit me një fund tragjik, tipik për personazhet romantike, të cilët mbetën paralele pa meridian prej karaktereve tërësisht tepabashkueshëm. Mashtruesi nuk pranon dot vdekjen e të vetmes grua, të cilën deshi në jetë dhe vendos të largohet pranë saj. Atë e lanë forcat, energjitë dhe djallëzitë.

 Historia tregohet prej të birit, shumë vite pas vdekjes së polakut, i cili duket sikur ringjallet edhe një herë prej ndjenjës së dashurisë tanimë të treguar vetëm si rrëfenjë. 

 Libri ‘’Mashtruesi’’ vërtetë ia vlen të lexohet. Fillimisht, përsa i përket stilit është shkruar thjeshtë, në mënyre koncize dhe të qartë. Së dyti, përkthimi është i rrjedhshëm dhe i natyrshëm dhe historia nuk ngec kurrë. 

 Ju ftoj të #rrembenilibrin ‘’Mashtruesi ‘’ shkruar nga Richard Morgieve dhe jam e sigurt se do e lexoni me një frymë brenda një nate, njësoj si unë. 
Rilexohemi të shtunën e ardhshme, 

©RE

Etiketimet:

Comments

Post a Comment

Popular posts from this blog

‘’Shtëpia misterioze’’, kënaqësia e ditëve të verës

Java fluturoi dhe takimi i përhershëm i së shtunës me një libër ndër duar na gjeti në bregun e detit, me aromën e kripes e të rërës. Këtë javë në #njetuferrezeshneperre do flasim për një nga autorët më të mëdhenj francez. Në të vërtetë nuk është   hera e parë që sugjerojmë një libër të Honore de Balzak, por veprat e tij realiste, të bukura, njerëzore e të vërteta nuk mund të bëhen kurrë të përsëritura. Këtë javë do flasim për ‘’Shtëpia misterioze’’, një tregim i shkurtër i Balzakut. ‘’Shtepia misterioze’’ është botuar për herë të parë më 1831 dhe është pjesë e ‘’Komedisë Njerëzore’’. Ky tregim nis me mister që në faqet e para të tij. Dr. Horace Bianchon haset gjatë qëndrimit të tij në qytetin e Vendôme me një shtepi mistike, ku pemët, barishtet e gjelbërimi kishte gjalluar si pa të keq, e ku zogjtë, zvarranikët, macet e brejtësit bashkëjtonin e zhurmonin në shtepinë e braktisur, të cilën me shumë gjasa e gjenin si të tyren. Gjithcka që e bënte shtëpinë misterioze e ci...
1 comment
Lexo më shumë

Rrugëtimi për një vit magjik

Javët e para të vitit hasemi më një trysni të vazhdueshme në rrjete sociale, ku çdokush nis të shpalosë eksperiencat e tij të suksesit lidhur me menaxhimin e kohës e jetës. Nga të gjitha anët vërshojnë reklama fletoresh, axhendash, blloqesh e kushdo mundohet të tregojë sesi të  marrësh më të mirën e vitit tënd të ri. Gjithnjë më kanë pëlqyer nisjet nga e para, ku duket se me një valixhe plot ëndrra planifikon rrugëtimin tënd për vitin që të pret, por nganjëherë i gjithë ky kujdes për të matur sekondin e minutin e çdo dite, të bën të harrosh të jetosh. Me siguri, pjesa më e madhe e atyre që po lexojnë këto rreshta përballet çdo ditë me një ditë të ngarkuar në punë; të papritura frustruese sapo dalin nga shtëpia; përgjegjësi familjare; presioni për të dhënë maksimumin në çdo gjë që bëjnë etj. Nganjëherë të gjitha këto objektiva me të cilat mbushim jetën tonë të përditshme, vetëm sa na pengojmë të marrim vertëtë më të mirën e produktivitetit tonë. Kështu, lehtësisht e pa këshilla ...
3 comments
Lexo më shumë

Katër shkrimtarët që behen pjesë e bibliotekës sime me çdo botim

Librat janë si miqtë që nuk të braktisin as kur je gati të arratisesh prej gjithë botës. Nëpërmjet një magjie pak të shpjeguar ato ndërhyjnë në gjak e deje për të të mbushur me energjinë e pashterrshme të miliona jetëve të tjera. Unë jam e mendimit se shpenzimet në blerjen e librave nuk janë kurrë të shkuara dëm, pavarësisht se çfarë parapëlqen secili lexues. Gjithashtu, jam skeptike për të përcaktuar “libra të mirë” e “libra të këqinj”, siç rëndomtë dëgjojmë këtu-atje të flitet. Megjithatë, pavarësisht se librat para se t’i mbështjell me ngrohtësinë e bibliotekës sime i studioj me kujdes prej pasionit tim fanatik, sot dua të ndaj me ju disa shkrimtarë, librat e të cilëve i blej pa u menduar dy herë. Në gjuhën e libërdashësve (mos u habit, ne kemi gjuhën tonë), termi i autorëve që i blen në çdo botim të ri të tyre konsiderohet “ shkrimtarët auto- të blerë”.   Në këtë listë vendosa të përfshij dy autor shqiptare e dy të letrave botërore, të gjithë klasik të g...
1 comment
Lexo më shumë

Shkruhemi së bashku

Name

Email *

Message *