Jeta është një udhëtim plot të papritura dhe mistere,të
cilave nuk i japim dot shpjegim. Shumë nga shqetësimet e vogla të dites, të
cilat na shkatërrojnë humorin e na falin luhatje të pashpjegueshme emocionale,
brenda vetes nuk dimë as t'i japim shpegim.
Veprime të vogla ushtrojnë ndikim të madh e pikërisht për këtë
arsye libra, të cilët të ndihmojnë të gjesh lumturinë dhe paqen shpirtërore, nëpërmjet
këshillave të profesionistëve të vërtetë vlejnë gjithnjë të lexohen. I tillë është
libri ''Rruga në të cilën rrallë shkohet'' shkruar nga psiko-analisti dhe
autori i njohur amerikan Scott Peck.
Ky libeër është përmbledhje e përshkrimit të disa faktorëve,
të cilat e bëjnë një njeri të ndihet i përmbushur dhe i realizuar. Libri është
shkruar bazuar në studimet e autorit me pacientet e tij dhe njëkohësisht prej
provojes së tij personale.
Ky libër përbëhet nga tre pjesë kryesore. Pjesa e pare dhe më
e rëndësishmja, që sipas autorit, pikërisht aty nis rruga drejt lumturisë dhe
suksesit është disiplina. Disiplina lidhet pazgjidhshmërisht me balancën dhe
ekuilibrimin e shëndetit psikologjik, fizik e shpirtëror. Disa nga format, të
cilat ndihmojnë në kalitjen e disiplinës është një punë e palodhur me veten në
aspektin e të mësuarit me përgjegjësi, detyra, afate, qëllime, pikësynime dhe të
mesuarit me faktin se lumturia e kënaqesia mund të vonojnë, e madje nuk do të
vijnë kurrë nga hici.
Pjesën e dyte, autori ia kushton ndjenjës më të rëndësishme
që njeriu provon gjatë jetës së tij, dashurisë. Ai analizon dashurinë në forma
të ndryshme, por ndalet gjatë në dashurinë romantike, duke theksuar se dashuria
është një varësi dhe të dashururarit nuk është një ndjenjë, që lind nga hici, por
nga nevoja jonë për të përjetuar ndjesitë, të cilat të fal dashuria. Gjithashtu
sipas tij, dashuria, e cila në përbëerjen e saj ka vetëm ndjenjën është e
destinuar të jetë shkatërruese dhe nëse elementë të tjerë thelbësorë ( si
respekti) i mungojnë kësaj marrëdhenie, gjithacka parashikohet të shkoj
persëmbrapshti. Dashuria e vërtetë është një akt që ndërmerret me vetëdije të
plote, ku individi është i gatshëm të thyej muret mbrojtës, të cilat i ka ndërtuar
rreth vetes për kushedi sa kohë, vetëm për të hyrë në bashkëveprim me dikë tjetër.
Rrëzimi i këtyre barrierave është një formë e altruizmit, që shkrin kufijtë e
egos, për të përfshirë edhe dikë tjetër, në rrethin e tij intim.
Në pjesën e fundit të librit, Peck flet për fenë, pikëpamjet
dhe mendimet e tij mbi botën e religjionit, bazuar në eksperiencat e ndryshme
me pacientët dhe për nocionin e mëshirës dhe ringritjes shpirtërore.
Ky është një nga librat që ka ndikuar në mënyrë të
drejtperdrejt në jetën time. Gjithashtu mund të them se që nga hera e parë që e
kam lexuar e kam rilexuar edhe dhjetra herë të tjera dhe cdo rradhë zbuloj
mendime të fshehura, të cilat nuk i kisha vënë re më parë. Ky është një libër,
i cili duke u lexuar ndërkohë që mban dhe shënime të ndihmon më shumë të përmirësohesh
e të mësosh. Nga ana tjeter, lexohet lehtësisht dhe është i këndshëm.
Në përfundim, mund të them se leximi i këtij libri ndikon në
përmirësimin e vyrtyteve tona, na ndihmon të shembim pasiguritë dhe të gjejmë
përgjigjet e pikëpyetjeve, të cilat ndërtojmë në mendjet tona. Ky është libri
ideal, nëse doni t'i kushtoni më shumë kohë vetes dhe vetëplotesimit
tuaj.
Ju ftoj në leximin e një margaritari, i cili do ju shërojë
shpirtin e do ju ndricojë mendjen!
#rrembelibrin ''Rruga në të cilën rrallë shkohet'' shkruar
nga Scott Peck.
Rilexohemi të shtunën e ardhshme,
©RE
Comments
Post a Comment