Remarku, triumfuesi i Brezit të Humbur

Fundi i javës është momenti më i dashur për të gjithë, prej qetësisë dhe freskisë pas një jave të ngarkuar. Për dashamirësit e librit është një cast i përsosur për t'u zhutur në letërsi, teksa pushojnë nen shurshurimat e dallgeve dhe perkedheljet e rrezeve të diellit.

Libri i fundjavës në ''Një tufë rrezesh nëpër RE'' është një nga kryeveprat e letërsisë botërore.

''Harku i triumfit'' është një nga librat më të pëlqyer të autorit gjerman Erih Maria Remark, tëpër i dashur për lexuesit në mbarë botën, i mirenjohur dhe i suksesshëm.

Ky libër u botua më vitin 1948 dhe historia e tij lidhet ngushtë me periudhën historike dhe përjetimet e luftës.Raviku një kirurg i zoti, i dëbuar nga atdheu i tij, Gjermania, i duhet të zvarritet sa në një vend në tjetrin, i pashpresë për të jetuar një jetë normale, mes mijëra idenditetesh të rreme dhe pa një shtepi së cilës t’i përkiste. Historia e tij si refugjat në rrugët e botës, përzëniet sa në një vend në tjetrin dhe vështirësistë për të gjetur një strehëz të stabilizuar, diku nëpër botën e madhe e bën të ndalojë në Paris, në të cilin jeta e tij mori një tjetër kthesë.

I pashpresë, i kapluar nga ankthi se mos e zbulojnë, frika se do përjetojë një tjetër arrestim, i cili e
drejton për te debimët e njëpasnjëshme dhe odiseja për një tjetër shtëpi e bënin të jetonte disi i izoluar duke punar si kirug i fshehur, krah disa mjekëve mesatarisht të zote në Paris. Mes marramendjeve të Kalvadosit, tymit të duhanit, rrugeve me drita të zbehta të Parisit, kohës së vranët dhe një ankthi, i cili nuk largohej kurrë, ai njeh Xhoanën, dashurinë pasionante, të madhe, të bukur, së cilës iu dha me gjithë shpirt.

Historia e dashurisë së Xhoanës dhe Ravikut është një nga më të bukurat e letërsisë botërore. Dashuri e cila pengohet nga rrethanat, historia, të njohurit, të panjohurit, të gjallët, të vdekurit, nga vetë të dashuruarit e nga të papriturat. Lindi si një rastesi e nuk përfundoi as pas humbjes së Xhoanës.

Ky liber është tronditës, i bukur dhe i fuqishëm. Historia e dashurisë e ndërthurur në mënyrë dramatike, po aq sa dhe reale me përjetimet e gjithe atyre që iu desh te vuanin një jetë prej fashizmit.

Në të paraqitet drama e të mos përkiturit në atdheun tënd; drama e dashurisë së humbur, së pamundur, së vështire; drama e miqësive të lëna; e tradhëtive dhe përndjekjeve.

‘’Harku i triumfit’’ është libri më triumfues i Remarkut, që sa më shumë ta lexosh e rilexosh, aq më shumë e dashuron. Shkruar nga autori më përfaqësues  i Brezit të Humbur, fati i të cilit ka bërë të përjetojë nga afër shumëcka nga ato që ka shkruar. Shqipëruar nga mjeshtri i fjalëve Robert Shvarc e me parathënien e të madhit Ismail Kadare.

Ky libër nuk ka shumë nevojë për fjalë. Ju mbetet vetëm për ta lexuar!

Ju ftoj në leximin e ‘’Harku i Triumfit’’,

©RE