Panairi i Librit i mbylli portat edhe për këtë vit, por për
adhuruesit e leximit, të cilët shkojnë me listat e parapërgatirura të librave, që
dëshirojnë me kërshëri të lexojnë e njëkohësisht për ata që enden me çape të
vogla nëpër stendat e shtëpive botuese, sikur ecin nëpër botën e ëndrrave dhe
nuk duan të humbasin asnjë vogëlsi, këto ditë ishin festa më e rëndësishme e vitit,
Festa e Librit.
Panairi i 21-të, i cili pati siparin në vitin më të mbrapshët
që kanë njohur ndonjëherë shqiptarët, por i cili arriti të kthehej në një
traditë të bukur kulturore.
Festa e 2018 në Panairin e Librit do të mbahet mend për pesë
ndodhi të vecanta:
1. Numri i lartë i vizitorëve, rradhët e gjata për njohjet
me titujt e rinj dhe dyndjet e koasi i madh në cdo orë të dites e deri në mbrëmje,
për një cast të bëjnë të harrosh statisikën e dhimbshme të këtij viti se një
milion shqiptarë nuk kanë lexuar asnjë libër vitin e fundit. Gjithashtu, përshtypje
të vecantë më la grupmosha e të vegjlëve,
të shoqëruar përdore nga prindërit, të cilët gëzojnë me librat nëpër duar dhe
grupet e fëmijëve, që vijnë në Panair në formën e një ekskursioni shkollor.
Në kontrast me pjesëmarrjen e lartë të fëmijëve ishin
botimet origjinale të shkruara në gjuhën shqipe për vogëlushët. Numri i
botimeve për fëmijë ishte aq i ulët, saqë Shoqata e Shtëpive Botuese Të Shqipërisë
vendosi te mos nderonte me një cmim këtë
vit për librat e fëmijëve, si asnjëherë më parë.
Unë jam rritur me perrallat e Gaqo Bushakes dhe tregimet e
Nasho Jorgaqit, por mesa duket femijët e sotëm nuk e kanë ende fatin të lexojnë
libra më bashkëkohorë nga autor shqiptar.
2. Një tjetër element i rëndësishëm për t’u mbajtur mend nga
Panairi i 21 i Librit janë cmimet e larta të librave dhe uljet minimale. Kostot
e larta për dijet janë absurde dhe gati të papërballueshme, por mesa duket për këtë
nuk mund të fajësohen shtëpitë botuese, por politikat e paqëna shtetërore.
Mbase një arsye pse shqiptarët lexojnë pak është pamundësia financiare për të përballuar
blerjet e librave, shto këtu dhe faktin se bibliotekat thuajse janë
inekzistente.
3. Autorët e rinj ishin të shumtë dhe me botime cilësore. Së
pari, libri më i mirë i vitit u shpall "Ciklopi" nga autori i ri Brajan
Sukaj dhe kjo nuk është një rastësi. Gjithashtu emra të tjerë u lakuan si Iva Nikolli me librin ‘’Vetëm për
ty’’, Flogerta Krypi me librin " Gjithcka rreth asgjese" dhe Liridon
Mulaj me librin ‘’Kërkohet një vrasës’’. Autorët e rinj, tejet premtues dhe të
talentuar duket se hapën një faqe të re për Panairin e Librit.
4. Një tjetëe fakt i rëndësishëm për t’u mbajtur mend këtë
vit ishin kthimet e rikthimet e shumë
autorëve shqiptar. Ndër ta mund të permendim Zija Celen me librin "Djalli
komik ", Besnik Mustafajin në një rrëfim me Arta Markun me librin ‘’Letrat
e mia kredenciale’’, Isamil Kadare me librin ‘’Kur sunduesit grinden’’, Mimoza
Ahemti me librin ‘’Bëhu i bukur’’, Diana Culi me librin ‘’Vrasje në
kryeministri’’ , Namik Dokle me librin ‘’
Ditët e lakuriqëve të natës’’, Mustafa Nano me librin ‘’Provocateur’’, Mimoza Hafizi
me romanin shkencor ‘’Pika trëndafili’’ , Tom Kuka ( Enkel Demi) me librin ‘’
Gurët e vetmisë etj.
5. Viti 2018 është shpallur si Viti I Skënderbeut, në përkujtim
të 550 vjetorit të vdekjes të heroit tonë kombëtar. Një nga aktivitetet që
mungoi në këtë panair është promovimi i librave kushtuar Gjergj Kastriot Skënderbeut.
Nje kujtesë publike me librat më të mirë të shkruar nga autorët shqiptar dhe të
huaj mbi këtë periudhe të historisë së shqiptarëve do shërbente në aspektin
kulturor.
Për ta përmbledhur, Panairi I Librit është një ngjarje e rëndësishme
kulturore për të gjithë shqiptarët dashamirës ndaj botës së letrave. Panairi i
21-të ishte nje nga më të vizituarit dhe më të suksesshmit.
Në pritje të aktiviteteve të tjera mbi botën e librit,
©RE
©RE
Comments
Post a Comment