Një nga detyrat më të shpeshta në shkollë janë esetë. Për disa të shkruash një ese të mirë është e vështirë. Me këshillat e mëposhtme, do ju tregoj se të shkruash ese nuk është as e ndërlikuar dhe as e pamundur, pavarësisht se eseja është një sprovë.
1. Mos u ndani nga librat.
Leximet janë arma më e fortë dhe e vetmja mënyrë për të pasuruar fjalorin. Një ese e arrirë kërkon një fjalor të përzgjedhur e gjuhë të qartë e të drejtpërdrejt.
2. Studio strukturat e eseve.
Ndertimi i një eseje është i parapërcaktuar dhe struktura e tij është strikte. Eseja nuk të le shume hapësirë për kreativitet. Për të realizuar nje ese të përsosur, përbaju strukturës dhe kujto që eseja ngjan me matematikën për nga saktësia.
3. Kthehu e rikthehu te eseja.
Gjatë ndërtimit të esesë mos u dorëzo që pas shkrimit të parë. Elementi që ndan një ese të mirë nga një ese e shkëlqyer është kontrollimi i detajuar. Elemino përsëritjet e fjalëve dhe gabimet drejtshkrimore.
4. Ushtrohu gjithmonë.
Të shkruash ese të arrira nuk është një talent, por një aftësi e kultivuar. Nëse dëshiron që në provimet e maturës apo në përgjithësi, eseja të kthehet në detyrën tënde më të suksesshme, mos u lodh së shkruari ese. Esetë janë lehtësisht të përmirësueshme dhe kjo mund të kthehet në armën më të fortë të secilit.
Për ta përmbledhur, sprovat letrare janë të mundimshme, por shëndërrohen në detyrën më të këndshme, nëse mëson si ta zotërosh atë. Gjatë javëve të ardhshme, në Një tufë rrezesh nëpër RE, do lexoni këshilla specifike për llojet e ndryshme të eseve.
Rilexohemi së shpejti,
©RE
*Ky artikull nuk lejohet të ribotohet pa lejen e autores.
Kontaktoni: njetuferrezeshneperre@gmail.com
*Ky artikull nuk lejohet të ribotohet pa lejen e autores.
Kontaktoni: njetuferrezeshneperre@gmail.com
Comments
Post a Comment