''Rrëfimet e shërbëtores'' dhe lutjet e dhimbshme për lirinë

Libri i fundjavës në ‘’Një tufë rrezesh nëpër RE’’ është rrënqethës dhe i veçantë. Ky libër trajton lirinë e individit, por veçanërisht atë të gruas në një shtet totalitar e të kontrolluar, kur edhe gjërat më të thjeshta janë një luks e të kontrolluara.

Libri ‘’Rrëfimet e shërbëtores’’ shkruar nga Margaret Atëood është një rrëfim  i dhimbshëm, I cili të rikujton vlerën e lirisë. Ky roman botuar për herë të parë më vitin 1985, i vlerësuar me cmime të ndryshme letrare ndër vite e njëkohësisht i pëlqyer nga lexuesit.

Përmbajtja e këtij romani është atipike. Ngjarjet zhvillohen në një shtet totalitar, në një realitet imaginar të së ardhmes, ku roli dhe të drejtat e grave kanë ndryshuar kryekëput. Gratë konsiderohen si pronë e shtetit dhe mungesa e lirisë e të drejtave si dhe organizimi i shtetit ka në qendër të tij terrorin dhe kufizimin.

Personazhi kryesor Offred është shërbëtore në Republikën e Galaadit, një shtet totalitar dhe thellësisht teokratik, i cili ka zëvendësuar Shtetet e Bashkuara të Amerikës. Shtimi i popullësisë e riprodhimi është problemi kryesor në këtë vend dhe prandaj shërbëtoret janë caktuar të lindin  fëmijë për çifte të elites, të cilat kanë probleme me fertilitetin. Offred ishte shërbëtorja e  Komandantit dhe bashkëshortes së tij, Serena Joy, një ish këngëtare e korit të kishës e njëkohësisht mbrojtëse e ligjeve të rrepta të vendit. Liria e shërbëtoreve është e cunguar. Ajo mund të largohet nga shtëpia , ku mbahet e mbyllur vetëm kur ka për detyrë të bëjë pazaret.Dhoma e saj është ë zymtë dhe dera nuk mbyllet plotësisht, si një shenjë kontrolli. Gjithashtu, kudo ku shkel e ndjekin Sytë, forcat secrete të Galaadit.

Rrëfimet e Offred bazohen te përditshmëria dhe retrospektiva. Teksa përshkruan ferrin në të cilin jeton, rregullat e rrepta dhe antinjerëzore, ajo i kthehet me mallëngjim jetës së shkuar, dashurisë për të shoqin Lukën, mallin për nënë  e të bijën.

Arkitektët e Galaadit në një kohë kur ndotja kimike po shkaktonte fertilitet, përdorën për të marrë pushtëtin ushtrinë. Pasi vranë presidentin dhe anëtarët e Kongresit dhe filluan një grusht shteti, duke pretenduar se ata po merrnin përkohësisht pushtetin, ata  goditën të drejtat e grave, duke i ndaluar gratë të zotëronin prona ose të punonin. Offred, Luka e vajza e tyre e vogël gjatë përpjekje për t’u arratisur për në Kanada, u kapën nga forcat vendase e u ndanë përgjithnjë nga njëri-tjetri.

Pikërisht në këtë çast lind odiseja e vuajtjeve të saj. Offred u vendos të jetonte në Qëndrën e Kuqe, në të cilën do të indoktrinohej me ideologjinë e Galaadit, së bashku me shërbëoret e tjera.

Veshja e veçacntë me pelerinën e kuqe, të cilën duhe ta mbante çdo ditë ishte si një kujtesë për dhimbjen, që ndjente çdo ditë të jetës së saj të re. Ajo jetonte mes grash të tjera të panjohura, të cilave nuk mund t’I besonte as mendimet e as kujtimet e saj.

Marrëdhënia me Komandantin supozohej të ishte e ftohtë, por gjatë takimeve të fshehta me të, tëksa luanin me tabelën e fjalëve e bisedonin, ajo ndihej sikur ai ishte një mik, të cilit mund t’I besonte pak nga vetja. Megjithatë, fati i Offred varej tëk lindja e fëmijës së Serenës dhe Komandantit. Ky fëmijë nuk po vinte dhe Serena, e cila dëshpërimisht donte një fëmijë në krahët e saj, por njëkohësisht dëshironte të largonte Offred një orë e më parë nga jeta e të shoqit e ndihmoi të shoqërohej me Nikun, shoferin e Komandantit. 

Për Offred, Niku ishte një karrem për në kohët e vjetra, kur njërëzit dashuronin të lirë. Nëpërmjet tij ajo kujton Lukën, historinë e tyre të dashurisë dhe përjeton përsëri nga e para ndjesinë e të dashurit, të cilën mendonte se nuk do mundej ta ndjente më kurrë.

Kështu Offred eshpëton veten dhe plotëson dëshirën e Serenës, por me fëmijen e Nikut.

Ky libër është një dëshmi, e cila të mbush me përshtjellime mbi fatet njerëzore. Pavarësisht se fiction dhe një histori, e cila supozohet t’I përkasi së ardhmes, jo rrallëherë më kthen në vitet e diktaturës në vendin tonë. Mungesa e lirisë së individit, e cila është përshkruar edhe në letërsinë shqipe nga autor të cilët e kanë provuar nën lëkurë këtë vuajtje si: Kasem Trebeshina, At Zef Pllumi, Fatos Lubonja etj.

Libri mbart në vetvete mesazhin e rëndësishëm të lirisë së individit, nevojës eseciale për dashuri dhe dëshirës së papërshkrueshme të individit për të qënë një shpirt i lirë.

Ju ftoj në leximin e librit ‘’ Rrëfimet e shërbëtores’’, i cili do ju bëjë të mendoni e të vlerësoni lirinë. Gjithashtu, ky rrëfim ju kujton edhe një herë për historinë e mundimshme të të drejtave të grave duke menduar sesa shumë duhet bërë ende në këtë botë, e cila nuk është një botë burrash, por një botë dashurie.

Rilexohemi javën e ardhshme,

©RE

*Ky artikull nuk lejohet të ribotohet pa lejen e autores. 
Kontaktoni: njetuferrezeshneperre@gmail.co