Disa këshilla për të patur një mëngjes më produktiv

Zgjimi i hershëm në mëngjes, të qënit produktiv dhe i motivuar për një ditë të gjatë e të mbushur me të papritura, angazhime dhe përgjegjësi nuk janë të lehta për çdokënd. Një njeri kalon mesatarisht 25 vite të jetës së tij duke fjetur. Kur e lexova për herë të parë këtë fakt, jo vetëm pata një ndjesi të trishtë, por shërbeu si një këmbanë për t'i rikujtuar vetes rëndësinë e kohës së shpenzuar në mënyrë efikase.

Kështu nisa të kerkoja e të mendohesha për disa këshilla të thjeshta sesi të shpenzojmë me pak kohë duke fjetur, por njëkohesisht duke mos e ndjerë mungesën e energjisë.

1.Ndërto një program ditor mbi rutinën.

Të krijuarit e një rutinë të mirëorganizuar në të cilën planifikon çdo veprim të thjeshtë e të nderlikuar të përditshmërisë është hapi i parë drejt produktivitetit të mëngjesit. Planifikimi konkret i çdo veprimtarie ndihmon në motivimin për të përmbushur përgjegjësitë e mëngjesit.

2. Shkruaj mbi ndjesitë dhe mirënjohjen.

Të qenit mirenjohes është çelësi i lumturisë e i vetëplotesimit shpirtëror dhe emocional. Një nga aktivitetet më motivues për të nisur ditën mbarë dhe herët është të shkruash listën e përditshme të mirënjohjes. Ky është një zakon, të cilin unë e kryej prej shumë kohësh, qysh prej leximit të librit "Magjia" . Kjo mëyrë të ndihmon të reflektosh, të zgjohesh i motivuar e të nisësh ditën me pozitivitet. Pra, mbani pranë shtratit bllokun tuaj të shënimeve ose shkruani gjithçka në aparatin tuaj telefonik. Disa aplikacione, të cilat mund të ndihmojnë janë Journal it, Journey dhe Five Minute Journal.

3. Shmang rrjetet sociale.

Rrjetet sociale janë një nga kurthet, i cili rrëmben kohën tonë pa e kuptuar aspak. Natyrisht, të gjitha avantazhet e tyre na ndihmojnë ne përditshmëri, por për të kaluar një kohë të mbushur me efiçensë do ishte më e udhës të shkëputemi nga interneti të paktën orët e para të ditës.
Shijo rrezet e para të diellit, mëngjesin e këndshëm dhe kushtoji vëmendje gjërave të vogla, të cilat mund të ndezin shkëndija frymëzimi.

4. Gjej burimin tënd të frymëzimit.

Koha në mëngjes është e limituar, por një nga mënyrat e cila do ndryshoje gjithë energjinë e ditës është të zhvilluarit e disa veprimtarive të cilat të pelqejnë e të bëjnë ta vazhdosh ditën me dëshirë. Disa njerëz zgjedhin të dëgjojnë muzikën e tyre të parapëlqyer teksa bëhën gati, ndërsa disa të tjerë ndjekin fjalime motivuese apo programe argëtuese. Cilado qoftë zgjedhja jote ktheje këtë zakon në rutinë dhe zgjimi do jëtë më i thjeshtë.

5. Shto leximin në rutinën tënde të mbrëmjes.

Për të hequr dorë nga orët e paqta të prehjes nuk është e lehtë, por humori yt dhe performanca gjatë ditës varen nga rutina e mbrëmjes dhe cilësia e gjumit. Për një gjumë të qetë ju duhet pranë një libër dhe shëkputja nga ekranet elektronike. Leximi është terapia më e mirë për këdo me probleme pagjumësie. Në këtë mënyrë shmangni pagjumësinë deri në orët e para të mëngjesit dhe zgjimin e vështirë.

Në përfundim do te shtoja se sekretet e produktivitetit dhe energjisë pozitive që në mëngjeset e hershme janë tepër personale.
Këto janë disa mënyra, të cilat për mua funskionojnë më së miri, por jam kurioze të di edhe këshillat tuaja për produktivitetin qysh në mengjes.

Rilexohemi së shpejti,

©RE

*Ky artikull nuk lejohet të ribotohet pa lejen e autores. 

Kontaktoni: njetuferrezeshneperre@gmail.com