Skip to main content

Disa këshilla si të mirëorganizoni kohën

Related image

Koha është flori, por përgjegjësitë e shumta, të cila na ngarkohen, dëshira për të përmbushur maksimalisht të gjitha pritshmëritë dhe çorganizmi, i cili shoqëron jetën frenetike e kthejnë përditshmërinë tonë në një kaos. Prej kësaj rrëmuje të pakëndshme mund të gjendemi papritur të pushtuar nga ankthi, mungesa e vetëbesimit, pasiguritë dhe dështimet e njëpasnjëshme.
Në këtë artikull, dua të ndaj me ju rëndësinë e mirëorganizimit të kohës, menaxhimin e saj dhe sekrete të vogla sesi të përfitoni nga çdo sekond e të mos ktheheni në skllav të saj.

1. Shkruaj të gjitha detyrat e tua.

Hapi i parë për të nisur më organizimin e ditës janë listat. Të shkruarit të gjithë detyrave, pritshmërive, angazhimeve, projektëve dhe punëve sado elementare në dukje të parë është çelsi i nisjes së realizimit të secilës prej tyre. Për ta vënë në jetë këtë proces mund të përdorni axhendën tuaj të preferuar ose të shkruani gjithçka në mënyre elektronike.
 Listat mund të jenë ditore, javore, mujore dhe ndihmojnë për të ndërtuar një pasqyrë të qartë dështimesh e përmbushjesh në fund të muajit. Gjithashtu, plotësimi i detyrave sipas planit tuaj konkret është një mënyrë efikase motivimi.

2. Shfrytëzo çdo çast.

Rutina është e mbushur me punë të vogla, të cilat kur grumbullohen shëndërrohen në të bezdisshme. Këto detyra janë të ndryshme për gjithsecilin, por në përgjithësi konsistojnë në leximin e postës elektronike, përgjigjet e mesazheve të rëndësishme, leximeve të zakonta, ndjekjes  së leksioneve të ndryshme nëpërmjet Podcast-eve etj. Momentet më të mira të ditës të cilat mund të shfrytëzohen për realizimin e kësaj rutine janë minutat e humbur gjatë transportit sa në  një vend në një tjetër. Me pak fjalë, një rrugë e shumë punë të përfunduara. J

3. Përcakto rëndësinë e çdo detyre.

Natyrisht, sado i mirëorganizuar dhe korrekt njeriu nuk është robot dhe nuk ka pse të ndihet si një i tillë. Mund të ndodh të mos arrish të plotësosh të gjitha përgjegjësitë e ditës, por kjo nuk ka pse të kthehet në një shqetësim, i cili mund të kanalizojë në probleme emocionale më të ndërlikuara. Për të krijuar një barrierë mbrojtëse rreth vetes kundër stresit të mos qënit i përpiktë krahës çdo detyrumi përcakto rëndësinë e tij. Në këtë mënyrë mund të përfundosh punët parësore të ditës dhe t’i qëndrosh një hap larg shqetësimeve.

Në përfundim dua të them se të qënit e organizuar dhe të shfrytëzuarit maksimalisht të kohës është e rëndësishmë për mua dhe për të përmbushur çdo angazhim me sukses. Këto janë disa mënyra, të cilat për mua funskionojnë më së miri, por jam kurioze të di edhe sekretet tuaja të mirëorganizimit.

©RE

*Ky artikull nuk lejohet të ribotohet pa lejen e autores. 


Kontaktoni: njetuferrezeshneperre@gmail.co
Etiketimet:

Comments

Post a Comment

Popular posts from this blog

Vargjet e lira dhe mesazhet e Migjenit

Në letersinë shqipe, kur në mendje na vijnë vargjet e lira dhe një ndryshim rrënjësor i formës dhe përmbajtjes të zakontë të poezive, menjëherë na kujtohet Migjeni dhe vargjet e tij të lira. Poezitë e tij janë një paraqitje e zhveshur e realitetit të dhimbshëm, e botës së harruar, e problemeve ekzistencialiste dhe e fenomeneve të cilat dukeshin të rëndomta dhe nuk fliteshin në letërsi, me mendimin se Shqipëria kishte nevojë për patriotizëm dhe atdhedashuri për të ngritur në piedestal frymën atdhetare, përpara problemeve të rënda të përditshmërisë. Vargjet e lira të Migjenit hodhën poshtë të gjitha kufijtë, barrierat dhe klishet. Forma e tyre ishte e crregullt, e lirë dhe e pakufizuar nga kanone të paracaktuar, rimë apo ritëm i brendshëm. Më e lirë akoma ishte përmbajtja, e cila u kthye në himn për kryengritjen kunder varfërisë, padrejtësisë, urisë dhe dhimbjes njerëzore. Vepra ndahet në disa pjesë: Së pari,  Këngët e pakëndueme , të cilat shfaqin një rebelizem të au
Post a Comment
Lexo më shumë

‘’Katedralja e Parisit’’ dhe madhështia e Hygo

Java duket se fluturon e bashkë me të vjen dita kur prezantojmë me ju leximin e kohëve të fundit. Nga një bisedë me një mikeshë të krijuar së fudmi, me të cilën jemi gjendur në Klubin e Librit #rrembelibrin, mu kujtua një nga librat, që kam lexuar më me dëshirë gjatë viteve të gjimnazit, ‘’Katedralja e Parisit’’ shkruar nga Viktor Hygo. Vrapova drejt bibliotekës së familjes dhe iu riktheva kësaj kryevepre botërore që atë natë. Nuk munda ta lëshoja nga duart deri ditën e ardhshme dhe në mendje më vërshonin dhe një herë të gjitha ngjarjet e rikujtuara e cdo emocion, të cilin kisha përjetuar nëpërmjet këtij libri. Viktor Hygo konsiderohet si një nga autorët më të mëdhenj të letërsisë frënge e njëkohësisht të asaj botërore. I njohur ndryshe si babai i romantizmit, në veprat e tij dallohet qartë prania e rëndësishme e konceptit "turmë" dhe pikërisht kjo përbën një nga idetë themeltare të tij, ku sipas tij para feudalëve qëndrojnë me autoritetin maksimal për
Post a Comment
Lexo më shumë

‘’Shtëpia misterioze’’, kënaqësia e ditëve të verës

Java fluturoi dhe takimi i përhershëm i së shtunës me një libër ndër duar na gjeti në bregun e detit, me aromën e kripes e të rërës. Këtë javë në #njetuferrezeshneperre do flasim për një nga autorët më të mëdhenj francez. Në të vërtetë nuk është   hera e parë që sugjerojmë një libër të Honore de Balzak, por veprat e tij realiste, të bukura, njerëzore e të vërteta nuk mund të bëhen kurrë të përsëritura. Këtë javë do flasim për ‘’Shtëpia misterioze’’, një tregim i shkurtër i Balzakut. ‘’Shtepia misterioze’’ është botuar për herë të parë më 1831 dhe është pjesë e ‘’Komedisë Njerëzore’’. Ky tregim nis me mister që në faqet e para të tij. Dr. Horace Bianchon haset gjatë qëndrimit të tij në qytetin e Vendôme me një shtepi mistike, ku pemët, barishtet e gjelbërimi kishte gjalluar si pa të keq, e ku zogjtë, zvarranikët, macet e brejtësit bashkëjtonin e zhurmonin në shtepinë e braktisur, të cilën me shumë gjasa e gjenin si të tyren. Gjithcka që e bënte shtëpinë misterioze e cimbis
Post a Comment
Lexo më shumë

Shkruhemi së bashku

Name

Email *

Message *