Skip to main content

Medito përmes ditarit të dashurisë së një shkrimtari




Javët e fundit kanë qënë të ngarkuara, të mbushura me detyra e angazhime dhe koha për t’u përkushtuar në letërsinë artistike ka qënë e pakët. Ky nuk është një justifikim për mungesën time të gjatë, por vetëm një shpjegim i vockël mes miqsh. 

Gjatë ditëve kur mezi gjej kohë për të përfunduar në mënyrë të suksesshme çdo detyrë , që i kam vendosur vetes gjithçka më duhet është një ushqim shpirtëror. çdo lexues i apasionuar ka një pirg librash në qoshkën pranë shtratit. Ky mal kënaqësie është burimi i energjive të mira dhe i frymëzimit, që na duhet në ditë kur motivimi na mungon e në të tjera kur shkëlqejmë më shumë si dielli i mes pranverës.

Sot dua t’ju tregoj më shumë për një nga librat që ka vite të tëra që qëndron në qoshkën time të lumturisë. ‘’Ditar dashurie i një shkrimtari’’ është libri i parë, që më njohu me një shkrimtar për të cilin nuk kisha dëgjuar kurrë më parë, Albatros Rexhaj. Për herë të parë e kam lexuar para shtatë vitesh të shkuara, kur një mikeshë e aso kohe këmbëngulte se në duar mbante një libër të rrallë e unë duhej patjetër ta shfletova. E mora nëpër duar dhe nuk i ndaja dot sytë prej rreshtave derisa e përpiva. Kjo dashuri me lexim të parë nuk mbeti me aq. Më shoqëroi për vite të tëra e nuk u nda kurrë prej qoshkës sime të frymëzimit.

‘’Ditar dashurie i një shkrimtari’’ është një rrëfim për dashurinë në mënyrë transparente, të hapur, të qartë e pa kornizat qesharake të klisheve e paragjykimeve. Rrëfenja aq e sinqertë dhe e guximtë hyn me elegancë në zemrën e lexuesit duke bërë që në një faqe apo në një tjetër secili të gjej veten në sinqeritetin e shkrimatarit, edhe nëse nuk ke asnjë lidhje me letërsinë.

Veçantia e të shkruarit, intimiteti që shkrimtari ndërton me muzën e tij dhe përfshirja në këtë privatësi edhe me lexuesin i jep ngjarjeve një aromë natyraliteti dhe nuance njerëzore. Shprehja e mrekullueshme e ndjenjave, mungesa e autoçensurës së autorit dhe finesa me të cilën trajtohet çdo çështje dashurore a erotike e bën lexuesin të ndihet më i guximshëm e të marri flatra teksa lexon.

Ky libër është një hapësirë meditimi për çështje në dukje të vogla, por me impakt të madh në lumturinë tonë të vërtetë, në qëtësinë shpirtërore dhe paqen mendore. Pasi e lexon duket se gjithë mendimet e ngatërruara marrin vetvetiu një rend të caktuar, jo se ky libër është shkruar brenda rregullave, por sepse sinqeriteti dhe inteligjenca me të cilat trajtohet ky ditar ndikon në këndvështrimet e lexuesit.

Në përgjithësi, pas leximit të librave të shkruara nga Albatrosi e pasi  pranon të notosh lirisht në oqeanin e tij të mendimit, ndjen se diçka ndryshon në këndvështrimin për dashurinë, mendësitë, moralin e mendja çlirohet nga paragjykimet e kota, të ngritura prej shoqërisë.

Ju ftoj në leximin e librit ‘’Ditar dashurie i një shkrimatri’’ shkruar nga Albatros Rexhaj!
Së fundmi, të gjithë krijimtarinë letrare të Albatros Rexhaj mund ta lexoni në faqen e tij zyrtare 
http://www.albatrosrexhaj.com .

Rilexohemi së shpejti,

©RE

*Ky artikull nuk lejohet të ribotohet pa lejen e autores. 

Kontaktoni: njetuferrezeshneperre@gmail.com

Etiketimet:

Comments

Post a Comment

Popular posts from this blog

‘’Shtëpia misterioze’’, kënaqësia e ditëve të verës

Java fluturoi dhe takimi i përhershëm i së shtunës me një libër ndër duar na gjeti në bregun e detit, me aromën e kripes e të rërës. Këtë javë në #njetuferrezeshneperre do flasim për një nga autorët më të mëdhenj francez. Në të vërtetë nuk është   hera e parë që sugjerojmë një libër të Honore de Balzak, por veprat e tij realiste, të bukura, njerëzore e të vërteta nuk mund të bëhen kurrë të përsëritura. Këtë javë do flasim për ‘’Shtëpia misterioze’’, një tregim i shkurtër i Balzakut. ‘’Shtepia misterioze’’ është botuar për herë të parë më 1831 dhe është pjesë e ‘’Komedisë Njerëzore’’. Ky tregim nis me mister që në faqet e para të tij. Dr. Horace Bianchon haset gjatë qëndrimit të tij në qytetin e Vendôme me një shtepi mistike, ku pemët, barishtet e gjelbërimi kishte gjalluar si pa të keq, e ku zogjtë, zvarranikët, macet e brejtësit bashkëjtonin e zhurmonin në shtepinë e braktisur, të cilën me shumë gjasa e gjenin si të tyren. Gjithcka që e bënte shtëpinë misterioze e ci...
1 comment
Lexo më shumë

Rrugëtimi për një vit magjik

Javët e para të vitit hasemi më një trysni të vazhdueshme në rrjete sociale, ku çdokush nis të shpalosë eksperiencat e tij të suksesit lidhur me menaxhimin e kohës e jetës. Nga të gjitha anët vërshojnë reklama fletoresh, axhendash, blloqesh e kushdo mundohet të tregojë sesi të  marrësh më të mirën e vitit tënd të ri. Gjithnjë më kanë pëlqyer nisjet nga e para, ku duket se me një valixhe plot ëndrra planifikon rrugëtimin tënd për vitin që të pret, por nganjëherë i gjithë ky kujdes për të matur sekondin e minutin e çdo dite, të bën të harrosh të jetosh. Me siguri, pjesa më e madhe e atyre që po lexojnë këto rreshta përballet çdo ditë me një ditë të ngarkuar në punë; të papritura frustruese sapo dalin nga shtëpia; përgjegjësi familjare; presioni për të dhënë maksimumin në çdo gjë që bëjnë etj. Nganjëherë të gjitha këto objektiva me të cilat mbushim jetën tonë të përditshme, vetëm sa na pengojmë të marrim vertëtë më të mirën e produktivitetit tonë. Kështu, lehtësisht e pa këshilla ...
3 comments
Lexo më shumë

Katër shkrimtarët që behen pjesë e bibliotekës sime me çdo botim

Librat janë si miqtë që nuk të braktisin as kur je gati të arratisesh prej gjithë botës. Nëpërmjet një magjie pak të shpjeguar ato ndërhyjnë në gjak e deje për të të mbushur me energjinë e pashterrshme të miliona jetëve të tjera. Unë jam e mendimit se shpenzimet në blerjen e librave nuk janë kurrë të shkuara dëm, pavarësisht se çfarë parapëlqen secili lexues. Gjithashtu, jam skeptike për të përcaktuar “libra të mirë” e “libra të këqinj”, siç rëndomtë dëgjojmë këtu-atje të flitet. Megjithatë, pavarësisht se librat para se t’i mbështjell me ngrohtësinë e bibliotekës sime i studioj me kujdes prej pasionit tim fanatik, sot dua të ndaj me ju disa shkrimtarë, librat e të cilëve i blej pa u menduar dy herë. Në gjuhën e libërdashësve (mos u habit, ne kemi gjuhën tonë), termi i autorëve që i blen në çdo botim të ri të tyre konsiderohet “ shkrimtarët auto- të blerë”.   Në këtë listë vendosa të përfshij dy autor shqiptare e dy të letrave botërore, të gjithë klasik të g...
1 comment
Lexo më shumë

Shkruhemi së bashku

Name

Email *

Message *