Veçse një lexuese
besnike, e cila e ndjek me kërshëri dhe vëmëndje çdo nismë të një prej autorëve
të saj më të dashur, lumturohem sa herë me Albatrosim këmbej ndonjë mendim. Pas
një sërë librash të botuar për ata që jetën e zhveshin nga paragjykimet, gënjeshtrat,
kotësitë dhe stisjet, pas rikthimit në jetën publike me librin e tij më
personal ‘’Kthimi’’, Rexhaj zgjoi dy projekte krijuese të reja, inovative dhe
premtuese.
Sa e shpeshtë është ndërthurja
e fotografisë artistike me copëza letrare, në një atmosferë të qëndisur për t’iu
përshtatur në mënyrën më të këndshme fjalëve që burojnë afër zemrës?
Qysh në fëmijëri jam
lidhur me idenë e të paturit ditar, duke zhvilluar kështu një traditë vetjake të
këndshme për ndërtimin e kështjellës së kujtimeve të mia, forcimit të marrëdhënies
me vetveten e njëkohësisht të qënit e sinqërtë, pavarësisht gjithçkaje. Libri i
parë që lexova prej Albatrosit ishte ‘’Ditar dashurie i një shkrimtari’, i
cili mbetet i parapëlqyeri im duke ma marr një pjesë zemre, një grumbull mendimesh e një grusht lotësh. Për
të lidhur binomin ‘’ditar-Albatros’’, ekuivalent me ‘’rebel e i lirë’’ vërtetova
se shpirti i artistit nuk shterron, e gjen gjithmonë gjuhën e tij për t’u përshfaqur
pavarësisht formës.
Foto ditari publik i
Albatrosit është kthyer në një hapësirë reflektuese, ku përmes vizives dhe magjisë
së fjalës siç vetëm ai di, të bën të kredhesh në mendime, të reflektosh mbi
gjithfarë vendimi madhor a vogëlsie, të dashurosh të bukurën, të mos ngopesh
duke parë feksjen e dritës, teksa lutesh që fjalitë të mos përfundonin aty.
Nga ana tjetër, sa e
zakontë është për lexuesin shqiptarë, që veçse një shkrimtar e një artist
poliedrik, të zbulojë një mik, nëpër fjalët e të cilit ngushëllohet shpirti,
prehet dhe rigjen shpresën për të nisur një ditë të re. Zëri i Albatrosit, nëpërmjet
podcastit të tij Filozofia Urbane, për mijëra dëgjues u shëndrrua në mikun këshillues
të rrugëve të vetmuara, në shiun e pabesë të verës e vapën përvëlese të saj. Për
më tepër, mënyra e thjeshtë, e pakoklavitur, me të cilat trajton çështje jetësore,
që na ngatërrohen nëpër përditshmëri, përnjëherësh të rikthen në gjendje të
ngrohtë, duke menduar se diku, një mik i largët po aq sa i afërt të kupton e të
gjendet pranë nëpërmjet fjalës së tij.
Ju sugjeroj të dëgjoni
episode e Filozofia Urbane e njëkohësisht të ndiqni hap pas hapi Albatrosin në
foto ditarin e tij të pazakontë. Diç do ndryshojë brenda jush!
Të gjithë librat e tij
mund t’i lexoni online në www.albatrosrexhaj.com.
Rilexohemi së shpejt,
*Ky artikull nuk lejohet të ribotohet pa lejen e autores.
©RE
*Ky artikull nuk lejohet të ribotohet pa lejen e autores.
Kontaktoni: njetuferrezeshneperre@gmail.com
Comments
Post a Comment